Ապրանքի վերադարձի և երաշխիքային սպասարկման կանոններ
Հիմնվելով Հայաստանի Հանրապետության «Սպառողների իրավունքների պաշտպանության մասին» օրենքի փոփոխությունների վրա՝ EMTOP ապրանքանիշի գործիքների գնորդներին տեղեկացնում ենք ապրանքի վերադարձի և երաշխիքային սպասարկման հետևյալ կանոնների մասին
1. Ապրանքի վերադարձի իրավունք
Գնորդը իրավունք ունի վերադարձնելու պատշաճ որակի ապրանքը՝
14 օրվա ընթացքում այն ստանալուց հետո, եթե այն չի օգտագործվել և գտնվում է վաճառքի ենթակա վիճակում, պահպանված են արտադրողի փաթեթավորումը, ապրանքային տեսքը, պիտակները, երաշխիքային կտրոնը և առկա է ապրանքը հենց EMTOP-ի պաշտոնական ներկայացուցիչ Մեգահոմ ՍՊԸ-ից ձեռք բերելու մասին հաստատող փաստաթուղթ:
Վերադարձի ընթացքում գնորդը պետք է ներկայացնի լիովին և ճշգրտորեն լրացված երաշխիքային կտրոն:
Ապրանքի վերադարձի հետ կապված փոխադրության ծախսերը կատարվում են գնորդի հաշվին, եթե այլ պայման չի սահմանվել:
Չի ենթարկվում վերադարձի հետևյալ դեպքերում՝
Եթե գործիքը անհատականացված է կամ պատրաստվել է հատուկ պատվերով:
Եթե այն արդեն օգտագործվել է, վնասվել է կամ չեն պահպանվել դրա սպառողական հատկությունները:
Եթե այն ներառված է ՀՀ Կառավարության սահմանած չվերադարձվող ապրանքների ցանկում:
2. Երաշխիքային սպասարկում
Երաշխիքային սպասարկումը տրամադրվում է միայն այն դեպքում, երբ ներկայացվում է ճիշտ և ամբողջությամբ լրացված երաշխիքային կտրոն: Երաշխիքային սպասարկումը ներառում է գործիքի անվճար վերանորոգում՝ սահմանված ժամկետում և իրականացվում է միայն EMTOP սպասարկման կենտրոնի արհեստանոցում:
Երաշխիքային սպասարկման պայմաններն են.
Գործիքը պետք է ներկրված լինի EMTOP ապրանքանիշի պաշտոնական ներկայացուցիչ՝ Մեգահոմ ՍՊԸ-ի կողմից:
Գործիքը պետք է ներկայացվի ամբողջությամբ՝ այն բոլոր դետալներով, որոնցով շահագործվել է:
Երաշխիքային սպասարկումը չի ներառում.
Սարքի փոխարինում կամ գումարի վերադարձ
Պրոֆիլակտիկ մաքրում
Տեղադրում և կարգավորում
Չեն ենթարկվում երաշխիքային վերանորոգման՝
Սարքեր, որոնց վնասը առաջացել է սխալ կամ անփույթ շահագործումից, արտաքին մեխանիկական կամ ջերմային ազդեցություններից
Սարքեր, որոնց վրա փորձ է կատարվել վերանորոգման կամ ձևափոխման՝ ոչ լիազորված անձանց կողմից
Վնասներ օտար մարմինների, հեղուկների, միջատների ներթափանցման պատճառով
Օդի կամ վառելիքի զտիչների բացակայության կամ աղտոտման պատճառով
Սնուցման կամ հեռահաղորդակցության ցանցերի աննորմալ լարման կամ շեղման պատճառով
Երաշխիքային չեն համարվում նաև հետևյալ դետալները.
Արագ մաշվող մասեր՝ կոնտակտային ածուխներ, ռեմեններ, միջադիրներ, այրման մոմիկներ, ֆիլտրեր, ակներ, ուղղորդիչներ և այլն
Լրացուցիչ պայմաններ.
Վնասված սարքը կարող է պահվել մինչև 21 աշխատանքային օր՝ հետազոտման և վերանորոգման նպատակով
Վերանորոգումից հետո, եթե հաճախորդը 3 ամսվա ընթացքում չի վերցնում սարքը, այն համարվում է թափոն, և Մեգահոմ ՍՊԸ-ն պատասխանատվություն չի կրում
Այս կանոնները ներկայացված են ըստ ՀՀ օրենսդրության և EMTOP ապրանքանիշի սպասարկման ներքին կանոնակարգի:
